کے الیکٹرک کا صنعتی اور تجارتی علاقوں میں لوڈ شیڈنگ نہ کرنے کا اعلان

0

کراچی: کے الیکٹرک نے کراچی کے عوام کو خوش خبری سناتے ہوئے اعلان کیا ہے کہ اب صنعتی علاقوں،تجارتی مراکز،بازاروں میں لوڈشیڈنگ نہیں ہوگی۔

تفصیلات کے مطابق کے الیکٹرک کے نمائندوں نے کراچی چیمبر آف کامرس اینڈ انڈسٹری کو رمضان المبارک کے باقی دنوں میں صنعتی علاقوں، تجارتی مارکیٹوں اور بازاروں میں لوڈشیڈنگ نہ کرنے کی یقین دہانی کروائی ہے۔

کراچی چیمبر کے صدر شمیم فرپو سے ملاقات میں کے الیکٹرک کے نمائندوں کا کہنا تھا کہ خریداری کا مصروف سیزن شروع ہو نے والا ہے لہٰذا کے الیکٹرک اس با ت کی یقین دہانی کرے گی کہ عوام کو خوشگوار ماحول میں عیدالفطر کی خریداری کریں اور صنعتی سرگرمیاں بلاتعطل جاری رہیں اور انہیں کے الیکٹرک سے کوئی شکایت لاحق نہ ہو۔

کے الیکٹرک کے نمائندوں کے مطابق مرمتی عملہ صنعتی علاقوں، تجارتی مراکز اور بازاروں میں تعینات کیاجائے گا تاکہ بجلی معطل ہونے کی صورت میں بروقت خدمات فراہم کی جا سکیں۔

کے الیکٹرک کے نمائندوں نے صورتحال بہتر ہونے کی امید ظاہر کرتے ہوئے بتایاکہ چین کی شنگھائی الیکٹرک کمپنی کے الیکٹرک کے انفرااسٹرکچر کو بہتر بنانے کے لیے سرمایہ کاری کی حکمت عملی وضع کررہی ہے، اور 2020 تک یہ ادارہ خودکفالت حاصل کرنے کے بعد نیشنل گرڈ سے بجلی لینے کی کوئی ضرورت نہیں پڑے گی۔

کراچی چیمبر کے صدر شمیم فرپو نے کے الیکٹرک کے نمائندوں کو بتایا کہ شہر کی صورتحال پریشان کن ہے کہ کراچی والے نہ صرف سحر ی اور افطار میں بجلی معطل ہونے سے بری طرح متاثر ہیں بلکہ شہرکے کسی بھی علاقے میں اچانک کسی بھی وقت بجلی چلی جاتی ہے۔

شمیم فرپو نے کہا کہ شہریوں کو فوری ریلیف کے لیے واضح حکمت عملی کے ساتھ عملی اقدام کیے جائیں، مصروف اور گنجان آباد علاقوں میں مسلسل بجلی کی بندش کی وجہ سے لوگوں اور ان کے خاندانوں کو شدید مشکلات کا سامنا کرنا پڑتا ہے جو بجلی اور پانی کے بغیر اپنا دن اور رات گزارنے پر مجبور ہیں جو کہ انتہائی غیر منصفانہ اور ناقابل قبول فعل ہے خاص طور پر ایسے وقت میں جب لوگوں کی اکثریت روزے سے ہوتی ہے۔

ان کا مزید کہنا تھا کہکئی تاجر اور دکاندار بجلی کی فراہمی میں تعطل کے حوالے سے شدید تحفظات کا شکار ہیں اور وہ کراچی چیمبرسے مدد مانگ رہے ہیں۔

Print Friendly

Share.

About Author

Leave A Reply