پی ایس پی کی ریلی کے لیے دعا گو ہیں، خالد مقبول صدیقی

0

کراچی: ایم کیو ایم پاکستان کی رابطہ کمیٹی کے ڈپٹی کنویئر خالد مقبول صدیقی نے کہا ہے کہ شہر کے مسائل پر آواز اٹھانے والوں کی حمایت کریں گے ، پی ایس پی کی کل ہونے والی ریلی کے لیے دعا گو ہیں۔

کراچی میں گفتگو کرتے ہوئے خالد مقبول صدیقی نے کہا کہ شہر کے عوام سیاسی مستقبل کا فیصلہ خود کریں گے، مصنوعی سہارے پر چلنے والوں کو کراچی کے عوام نے کبھی قبول نہیں کیا۔

انہوں نے کہا کہ دیکھتے ہیں مصطفیٰ کمال کل 10 لاکھ لوگ جمع کرنے میں کامیاب ہوتے ہیں یا نہیں تاہم ایم کیو ایم پاکستان کراچی کے مسائل پر آواز اٹھانے والوں کی حمایت کا سلسلہ جاری رکھے گی۔

یاد رہے پاک سرزمین پارٹی کی جانب سے بلدیاتی نمائندوں کو اختیارات نہ دینے اور عوام کو ریلیف نہ ملنے کے خلاف کل شاہراہ فیصل ایف ٹی سی سے وزیر اعلیٰ ہاؤس تک ریلی نکالی جائے گی۔

مصطفیٰ کمال نے ریلی کو کامیاب بنانے کے لیے کراچی کی مختلف چھوٹی بڑی جماعتوں  اور مختلف مکاتب فکر سے تعلق رکھنے والے لوگوں سے ملاقاتیں کر کے انہیں ملین مارچ میں شرکت کی دعوت بھی دی ہے۔

Comments

comments

Share.

About Author

Leave A Reply