پاکستان کا بھارت میں ہونے والی ہارٹ ایشیاء کانفرنس میں شرکت کا فیصلہ

0

اسلام آباد : مشیر خارجہ سرتاج عزیز نے کہا ہے کہ پاکستان بھارت میں ہونے والی ہارٹ ایشیاء کانفرنس میں شرکت کرے گا، پاکستان افغانستان میں دیرپا امن کی کوششیں جاری رکھے گا، انہوں نے افغان طالبان کے وفد کی پاکستان آمد کی تصدیق بھی کی۔

اسلام آباد میں تصویری نمائش کی افتتاحی تقریب س خطاب کرتے ہوئے سرتاج عزیز کا کہنا تھا کہ پاکستان بھارت میں ہونے والی ہارٹ ایشیاء کانفرنس میں شرکت کرے گا۔

مشیر خارجہ سرتاج عزیز نے افغان طالبان کے وفد کی پاکستان آمد کی تصدیق کرتے ہوئے کہا ہے کہ پاکستان افغانستان میں دیرپا امن کی کوششیں جاری رکھے گا۔

مقبوضہ کشمیر کی صورتحال کا ذکر کرتے ہوئے انہوں نے مطالبہ کیا کہ اقوام متحدہ کے فوجی مبصر گروپ کو لائن آف کنٹرول کا دورہ کرایا جائے کیونکہ بھارت اقوام متحدہ کی قرار دادوں کی مسلسل خلاف ورزی کر رہاہے۔

ان کا کہنا تھا کہ سیکیورٹی اور انسانی حقوق اقوام متحدہ کے اہم ترین ستون ہیں ،اقوام متحدہ اور یورپی یونین کا ہمیشہ اہم کردار رہاہے۔

سرتاج عزیز کامزید کہنا تھا کہ کشمیر سے متعلق 8 جولائی سے بہت موثر مہم چلی ہے،تمام اہم عالمی فورمز پر خطوط لکھے ہیں،تاشقندمیں 56 ممالک نے مقبوضہ کشمیر میں جاری بھارتی مظالم کی سخت مذمت کی ہے۔


اس خبر کو لائیک یا شیئر کرنے اور مزید خبروں تک فوری رسائی کے لیے ہمارا اور وزٹ کریں

Comments

comments

Share.

About Author

Leave A Reply