پاناما لیکس؛ وزیراعظم کی نااہلی کیلیے دائر درخواستیں 20 اکتوبر کو سماعت کیلیے مقرر

0


IMG { filter: alpha(opacity=100)!important; }

چیف جسٹس کی سربراہی میں 3 رکنی بینچ درخواستوں کی سماعت کرے گا۔ فوٹو؛ فائل

 اسلام آباد: سپریم کورٹ نے پاناما لیکس کی بنیاد پر وزیراعظم نوازشریف کی نااہلی کے لیے دائر تمام درخواستیں 20 اکتوبر کو سماعت کے لیے مقرر کر دی ہیں۔

سپریم کورٹ میں پاناما لیکس کی تحقیقات اور وزیراعظم نواز شریف کو نااہل قرار دینے کے لیے چیرمین تحریک انصاف عمران خان، امیر جماعت اسلامی پاکستان سراج الحق، عوامی مسلم لیگ کے سربراہ شیخ رشید احمد، وطن پارٹی اور طارق اسد ایڈووکیٹ نے درخواستیں دائر کر رکھی ہیں۔

چیف جسٹس انور ظہیر جمالی کی سربراہی میں جسٹس اعجاز الحسن اور جسٹس خلجی عارف حسین پر مشتمل 3 رکنی بینچ درخواستو ں کی سماعت کرے گا۔

Share.

About Author

Leave A Reply