عمران خان جھوٹ اورمکاری کا دوسرا نام ہے، سعید غنی، نثارکھوڑو

0

کراچی : پیپلز پارٹی کے رہنماؤں سعید غنی اور نثار کھوڑو نے کہا ہے کہ بنی گالہ محل بےایمانی اور خورد برد کا منہ بولتا ثبوت ہے، عمران خان جھوٹ اور مکاری کا دوسرا نام بن چکا ہے۔

ان خیالات کا اطہار انہوں نے پی ٹی آئی کے زیر اہتمام سیہون شریف میں ہونے والے جلسے سے عمران خان کے خطاب  میں لگائے گئے الزامات کے رد عمل میں کہی۔

سعید غنی نے چیئرمین پی ٹی آئی پر شدید تنقید کرتے ہوئے کہا کہ سیہون شریف میں آج خورد برد خان اور بدعنوان سب اکٹھے نظرآئے، بنی گالہ محل بےایمانی اورخوردبرد کا منہ بولتا ثبوت ہے۔

شوکت خانم اسپتال کےچندے میں خوردبرد لوٹ مارنہیں تو اور کیا ہے؟ عمران نیازی پہلے اپنا ذریعہ آمدنی تو بتائیں۔ سعید غنی کا مزید کہنا تھا کہ عمران نیازی کی سونامی نے خیبر پختونخوا کےعوام کو آنسو دیئے۔

شہداء اےپی ایس کے وارث طالبان نیازی کیخلاف فریادی ہیں، اس کے علاوہ مشال خان کےخون کے نشان بھی عمران نیازی کے دامن پر ہیں۔



رہنما پیپلزپارٹی نثار کھوڑو کا اپنے ردعمل میں کہنا تھا کہ سندھ میں جتنے اسپتال ہم نےبنائے اور کسی صوبے میں نہیں بنے، جبکہ جعلی خان کی حکومت نے پختونخوا میں ایک بھی اسپتال نہیں بنایا۔

نثارکھوڑو نے بتایا کہ سندھ حکومت انٹرتک انرولمنٹ اورامتحانی فیس خود دیتی ہے، عمران خان جھوٹ اورمکاری کا دوسرا نام بن چکا ہے۔

Print Friendly, PDF  Email

Share.

About Author

Leave A Reply