سانحہ احمد پورشرقیہ میں ہلاکتوں کی تعداد 176 ہوگئی؛ ایک اورکمیٹی قائم

0

سانحہ احمد پورشرقیہ میں جاں بحق افراد کی تعداد 176 ہوگئی ہے۔ لاہور اور ملتان کے مختلف اسپتالوں میں زیر علاج کئی زخمیوں کی حالت انتہائی تشویشناک ہے جس کی وجہ سے ہلاکتوں میں مزید اضافے کا خدشہ ظاہر کیا جارہا ہے۔

دوسری جانب وزیراعلیٰ پنجاب نے آئل ٹینکرحادثے پرمزید ایک اورچاررکنی انکوائری کمیٹی تشکیل دے دی جس کی سربراہی چیف منسٹر انسپکشن ٹیم کے چیئرمین کریں گے، سربراہی چیف منسٹر انسپکشن ٹیم کے چیئرمین کریں گے جب کہ کمیٹی کو فوری کام شروع کرکے 5 دن میں رپورٹ وزیراعلیٰ کو دینے کی ہدایات کی گئی ہے۔

کمیٹی کو آئل ٹینکر حادثے کی وجوہات کے تعین کی ذمہ داری سونپی گئی ہےجو حادثے کا شکار آئل ٹینکر کی مکینیکل حالت اور ڈرائیور کی اہلیت کا تعین بھی کرے گی، کمیٹی مقامی انتظامیہ، مقامی پولیس اور موٹروے پولیس کے کردار سمیت ایسے خطرناک سامان کی منتقلی کیلئے مروجہ قواعد و ضوابط کا جائزہ لے گی۔ کمیٹی سانحہ کے بعد محکمہ صحت سمیت مختلف اداروں کی کارکردگی کا جائزہ سمیت ہنگامی حالات میں سول اور فوجی انتظامیہ میں رابطے کے نظام کا جائزہ لے گی۔

Share.

About Author

Leave A Reply