جے آئی ٹی نے تمام اداروں کے خلاف مہم شروع کی ہوئی ہے، رانا ثناء

0

فیصل آباد: وزیر قانون پنجاب رانا ثناء اللہ نے کہا ہے کہ جے آئی ٹی نے تمام اداروں کے خلاف مہم شروع کی ہوئی ہے، پاناما تحقیقات کرنے والے افسران کو انصاف پر مبنی رپورٹ تیار کرنی چاہیے۔

فیصل آباد میں میڈیا سے گفتگو کرتے ہوئے رانا ثناء اللہ نے کہا کہ جے آئی ٹی متنازع ہوتی جارہی ہے اور ایسی صورت میں اُن کی رپورٹ کو قوم کبھی بھی قبول نہیں کرے گی، تفتیشی ٹیم نے تمام اداروں کے خلاف مہم شروع کردی۔

رانا ثناء اللہ نے کہا کہ رحمان ملک کے ساتھ کرپشن کی غضب کہانیاں منسلک ہیں اُن کی گواہی پر جے آئی ٹی رپورٹ کی بنیاد رکھنا قیامت کی نشانی ہے۔ عدالتی فیصلوں میں ٹاک شوز کا ذکر ہونا ملک کی بدقسمتی ہے۔

انہوں نے کہا کہ نذر گوندل اور بابر اعوان جیسے لوگ تحریک انصاف میں شامل ہورہے ہیں، ایسے لوگوں کی شمولیت پر عمران خان قوم کا کس منہ سے سامنا کریں گے، تحریک انصاف کے چیئرمین کو کرپشن کے خلاف اب بات کرتے ہوئے شرم آنی چاہیے۔

وزیرقانون پنجاب نے کہا کہ جے آئی ٹی میں بھی ٹاک شوز ٹاک شوز کا ذکر تشویشناک اور قابل اعتراض ہے، قوم تصویر لیک کرنے والے مجرم اور اس کے ادارے کا نام چاننا چاہتی ہے۔

Print Friendly

Share.

About Author

Leave A Reply