جسٹس ریٹائرڈ جاوید اقبال نےچیئرمین نیب کا چارج سنبھال لیا

0

اسلام آباد: جسٹس ریٹائرڈ جاوید اقبال نے چیئرمین نیب کے عہدے کا چارج سنبھال لیا، انہیں وزیراعظم شاہد خاقان عباسی اور اپوزیشن لیڈر خورشید شاہ کی مشاورت کے بعد عہدے کے لیے نامزد کیا گیا تھا۔

تفصیلات کے مطابق سابق چیئرمین نیب قمر زمان چودھری کے سبکدوش ہونے کے بعد آج جسٹس ریٹائرڈ جاوید اقبال نے چیئرمین نیب کی ذمہ داریاں سنبھال لیں۔

چیئرمین نیب جسٹس ریٹائرڈ جاوید اقبال نے نیب کے افسران سے ملاقاتیں کی اور شریف خاندان کے خلاف نیب ریفرنسز پر بھی کام شروع کردیا۔

خیال رہے کہ جسٹس ریٹائرڈ جاوید اقبال اس وقت لاپتہ ہونے والے افراد کے کمیشن کی سربراہی بھی کررہے ہیں۔



جسٹس ریٹائرڈ جاوید اقبال ایبٹ آباد کمیشن کے سربراہ اور قائم مقام چیف جسٹس سپریم کورٹ رہے انہوں نے 2011 میں سپریم کورٹ کے جج کی حیثیت سے ریٹائرمنٹ لی تھی۔

یاد رہے کہ جسٹس ریٹائرڈ جاوید اقبال سنہ 2000 میں بلوچستان ہائی کورٹ کے چیف جسٹس مقرر ہوئے جس کے دو ماہ کے بعد انہیں سپریم کورٹ کا جج مقرر کردیا گیا تھا۔



واضح رہے کہ 8 اکتوبر کو حکومت اور حزب مخالف کی جماعتوں میں نیب کے سربراہ کے لیے جسٹس ریٹائرڈ جاوید اقبال کے نام پراتفاق کے بعد وزارت قانون نے ان کی تعیناتی کا نوٹیفیکیشن جاری کیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF  Email

Share.

About Author

Leave A Reply